Putin, Äliyıv häm Paşinyan oçraşuı

Oçraşuda Azärbaycan häm Ärmänstan arasında tınıçlıq kileşüeneñ nigezen täşkil itäçäk dokumentnıñ imzalanuı mäs’äläse quzğatıldı.

Putin söyläşüneñ bik faydalı uzuın häm kiläçäktäge kileşülär öçen yaraşlı şartlar tudıruın belderde.

Rusiyä liderı: “Döresen genä äytkändä, bez barısın da raslıy almadıq, belgeçlär däräcäsendä êşlängän berençel ölgedäge qayber äyberlärne çığarırğa mäcbür buldıq. Yänä dä bu adım wazğıyätne tulayım çişügä yünältelgän yaña ğamällär öçen şartlar tudıra”, - dip äytte.

Öç yaqlı oçraşudan soñ urtaq belderge qabul itelde.

"Töbäktä daimi häm ozaq möddätle tınıçlıqnıñ urnaştırıluı öçen Azärbaycan belän Ärmänstan arasında tınıçlıq kileşüeneñ imzalanuına qağılışlı aktiv äzerlekneñ möhimlegenä” basım yasalğan beldergedä ike yaqlı bularaq qabul itelä alınğan çişeleşlärneñ êzlänelüenä däwam itelüe mäs’äläsendä kileşügä ireşelüe äytelde. Beldergedä Äliyıv häm Paşinyannıñ Rusiyäneñ Kön’yaq Qavqazda totrıqlılıq häm mullıq urnaştırıluına, mönäsäbätlärne cayğa saluğa öleş kertergä äzer buluınnan qanäğät buluı iskärtelep uzıldı.

Soçidä liderlarnıñ oçraşuına parallel’ bularaq Rusiyä, Azärbaycan häm Ärmänstan tışqı êşlär ministrları Sergey Lavrov, Cäyhun Bäyrämov häm Ararat Mirzoyan da öç yaqlı söyläşü ütkärde.