Qırğızstan xärbi künegülärne ğamäldän çığardı

Qırğızstan saqlanu ministrlığınnan yasalğan belderüdä Kollektiv iminlek kileşüe oyışmasınıñ Tınıçlıq köçe köçläreneñ ildäge "Qaqşamas qardäşlek-2022" xärbi künegüläreneñ ğamäldän çığarıluına qarar birelüe äytelde.

Kollektiv iminlek kileşüe oyışması Rusiyä, Belarus, Qazaqstan, Qırğızstan, Tacikstan häm Ärmänstan tarafınnan 2002nçe yılda xärbi ittifaq itep tözelgän ide.

Uzğan ayda çik buyı kileşmäwçänlege arqasında Qırğızstan belän Tacikstan milli saqçıları arasında kilep çıqqan bäreleşlär ike il arasında kiyırenkelekkä säbäp bulğan ide.

Qırğızstan tışqı êşlär ministrı urınbasarı Nuran Niyazaliyıv Ärmänstanda 7nçe üktäbr’dä ütkärelgän cıyılışta Kollektiv iminlek kileşüe oyışmasına äğ’za illär arasında bäreleşlärne totqarlaw öçen oyışma nizamnamäsenä (ustavına) üzgäreşlär kertergä täq’dim itkän ide.