Äliyıv Laçınğa bardı

İlbaşı idaräsennän yasalğan belderügä kürä, İlham Äliyıv biredä yasağan çığışında, Laçın şähäreneñ okkupaśiya waqıtında ärmännär tarafınnan tar-mar itelüen citkerep:

"Ärmännär Laçınnıñ qayber urınnarında qanunsız räweştä kilep urnaşqan. Süriyädän häm Livannan ärmännärne biregä kiterep qanunsız räweştä urnaştırğannar. Bu – xärbi cinayät, böten xalıqara kileşülärdä suğış cinayäte bularaq bilgelänä häm bu cinayät dönya cämäğätçelegeneñ küze aldında yasalğan.

Dön’ya cämäğätçelege, xalıqara oyışmalar, şuşı êş belän turıdan-turı şöğıllänüçe Awrupa iminlek häm xezmättäşlek oyışmasınıñ Minsk törkeme räistäşläre monı kürmämeşkä salıştı. Ärmänstannan Qarabaxqa, Qarabaxtan Ärmänstanğa barğan çaqta biredä qanunsız toraqlar tözelüen, Azärbaycanğa qarawçı urın isemnäreneñ sütelüen, tarixi Azärbaycan cire Laçınnıñ ärmänläşterelüen kürälär ide, fäqät küz yomalar ide. Azärbaycan xalqı monı qabul itä almıy”, - dip äytte.

Ärmänstannıñ soñğı aylarda Azärbaycanğa qarşı provokaśiyälär yasawına häm suğış betüenä qaramastan töbäktä ärmännärneñ mina quyuına basım yasawçı İlham Äliyıv:

"Bez berqayçan da moña forsat bira almıybız. Ärmänstannı küp tapqır bu êşlärdän waz kiçüe öçen kisättek. Näticä bularaq 13nçe sentyabr’dä bezgä qarşı tağın provokaśiya yasalğan çaqta Azärbaycan ğaskäre cawap qaytardı häm doşmanın qabat üz urınına utırttı. Bu alarğ sabaq bulır dip ömet itam, çönki bezne berkemneñ häm ber närsäneñ dä tuqtata almayaçağın kürdelär”, - dide.

Azärbaycan liderı “Ärmänstannıñ tınıçlıq telämäwen häm äle haman üç alu fikerläre belän yäşäwen küräbez”, - dip iskärtep uzdı.