Qazaqstanda waqıtınnan êlek saylaw kötelä

Qazaqstan däwlät başlığı Qasıym-Cumart Toqayev ildä waqıtınnan alda ilbaşı saylawınıñ 20 noyabr’ könne uzuına qarağan qararnamägä qul quydı.

İmzadan soñ yazma açıqlaw yasağan Toqayev iyun’ ayında ütkärelgän referendum qısalarında säyäsi, soŝial’ häm iqtisad ölkälärendä alıp barıluçı reformalarğa tuqtalıp: “Xalqıbız säyäsi sistemanı üzgärtügä qarağan plannarıbıznıñ ähämiyäten yaxşı añlıy. Bu saylaw ilneñ barlıq säyasi sistemasın tamırınnan üzgärtäçäk barışnıñ başlanğıçı bulaçaq. Bu saylaw yärdämendä ildä iqtisad häm xalıq iminlege ölkäsendä ozın möddätle wazifalarnıñ cirenä citkerelüe öçen mömkinlek tuaçaq,” – dide.