Azärbaycan ärmän ğaskärilärneñ mäyetlären tapşırırğa äzer

Azärbaycan Ärmänstan provokaśiyäläre belän başlanğan bäreleştä ülgän yaqınça 100 ärmän ğaskäriyeneñ mäyetlären tapşırırğa äzer buluın belderde.

Bilgele bulğança, 12nçe sentyabr’ tönennän 13nçe sentyabr’ irtäsenä qadär ike ilneñ çigendä kiyerenkelek buldı. Ärmänstan provokaśiyäläre näticäsendä bäreleş kilep çıqtı.  

Azärbaycannıñ Äsir, yuğalğan häm totqın watandaşlar däwlät komissiyäse yasağan belderüdä ilneñ xalıqara gumanitar xoquqqa bäyle buluına iğ’tibar cälep itelä. “Ärmänstanğa utnı tuqtatu çaqıruı yasaldı häm ülgän yaqınça 100 ärmän ğaskäriyeneñ mäyetläreneñ ber’yaqlı bularaq tapşırılırğa äzer buluı belderelde” diyelä anda. Bu mäs’älädä Xalıqara Qızıl Xac komitetına da mäğ’lümat cibäreläçäge äytelde.

Bäreleştä Azärbaycan armiyäsennän 71ğaskäri şähit bula. Ärmänstan xökümät başlığı Nikol’ Paşin’yan isä üzläreneñ 105 ğaskäriyeneñ hälaq buluın belderde.