Törekmänstan İlbaşı İranda
Törekmänstan İlbaşı Särdar Bärdimöxämädovnıñ İran säfäre qısalarında ike il arasında törle ölkälärdä 9 kileşü memorandumı imzalandı
Räsmi oçraşular ütkärü öçen İran başqalası Tähranğa kitkän Bärdimöxamädov Sadabad sarayında İlbaşı İbrahim Räisi tarafınnan räsmi tantana belän qarşı alındı.
Wäkilleklärara häm ike yaqlı söyläşülärdän soñ ike Däwlät başlığı qatnaşında säwdä, iq’tisad, transport, tranzit kiçülär, mädäniyät êlemtäläre, belem, texnika, êkologiya häm däwlät teleradiokompaniyaları arasında xezmättäşlek kebek ölkälärdä 9 kileşü memorandumına qul quyıldı.
Räisi Bärdimöxamädov belän oyıştırğan urtaq matbuğat oçraşuında ike il mönäsäbätläreneñ yaxşı däräcädä buluına basım yasap: "Törekmänstan belän soñğı 30 yıl matur mönäsäbätlärebez buldı. Bu säfär ike il mönäsäbätläre cähätennän borılış noqtası bula ala”, - dip äytte.
Äfğanstan mäs’äläsendä dä ike il qaraşlarınıñ ber-bersenä yaqın buluın iskärtep uzuçı Räisi: "Äfğanstanda böten êtnik törkemnär qatnaşında kiñ qolaçlı xökümät tözelüeneñ zarurlığına ışanabız. Töbäk problemaları töbäk räsmiläre tarafınnan çişelergä tiyış”, - dip belderde.
Bärdimöxamädov ta: "İke il mönäsäbätlärendä ênergetika häm transport strategik tarmaqlar. Bu ölkädäge êşçänlek däwam itäçäk”, - dip äytte.
Törekmän liderı: "İllärebez Äfğanstannıñ regional’ häm xalıqara proyıktlarda qatnaşqan alğa kitkän däwlät buluın teli”, - dip belderde.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte