Urta Aziyä däwlätläre belän Qıtay xezmättäşlege

Qazaqstan başqalası Nur Soltanda Tışqı êşlär ministrı Muhtar Tileuberdi qabul itkän "Urta Aziya häm Qıtay tışqı êşlär ministrlarınıñ 3nçe cıyılışında Qırğızstan tışqı êşlär ministrı Ceenbäk Kulubayıv, Törekmänstan tışqı êşlär ministrı Raşid Märädov, Üzbäkstan tışqı êşlär ministrı wäkile Vladimir Norov, Tacikstan transport ministrı Azim İbrahim häm Qıtay tışqı êşlär ministrı Vang Yi qatnaştı.

Taraflar cıyılışta Urta Aziya däwlätläre belän Qıtay arasındağı küp yaqlı xezmättäşlekneñ tağın da kiñäytelüeneñ töbäktä tınıçlıqnı, totrıqlılıqnı häm iminlekne saqlaw belän ber rättän totrıqlı sośial’-iq’tisadi üseştä möhim buluına basım yasadı.

Cıyılışta Urta Aziyä däwlätläre belän Qıtay arasında iminlek, transport häm logistika, ênergetika, sänäğät, klimat üzgäreşläre belän köräş, yäşel iq’tisad, informatika industriyası, sälamätlek saqlaw, mäğarif, turizm, mädäniyät häm başqa strategik ölkälärdä yul kartası raslandı.

Qazaqstan ministrı Tileuberdi cıylıştan soñ yasağan belderüendä: "Dialog formatındağı cıyılışıbız qısalarında küp yaqlı xezmättäşlekne köçäytü, anıñ möhim potenśialın abaylap alu häm Urta Aziya töbägen tınıçlıq, duslıq, ike yaqlı yärdäm, totrıqlı üseş belän ahäñ mäydanına äyländerü mäs’äläsendäge iğ’tibarıbıznı tağın ber märtäbä rasladıq”, - dide.

Qıtay tışqı êşlär ministrı Vang isä ileneñ Urta Aziyä illäre belän küp yaqlı xezmättäşlekne kiñäytü niyätendä buluın belderde.

Vang cıyılışta ike yaqlı xörmät, fayda häm yaxşı kürşe mönäsäbätläre qısalarında Urta Aziyanıñ bäysezlege, tınıçlığı häm kiläçäge öçen urtaq tırışlıq sarıf itü mäs’äläsendä kileşügä ireşülären citkerde.

Vang Qıtay-Awrupa yünäleşeneñ qurqınıçsız häm totrıqlı êşläwen täêmin itäçäklären iskärtep uzdı.