“Texnofest Azärbaycan” üz işeklären açtı
Dön’yanıñ iñ zur aviaśiya, ğaläm häm texnologiya festivale “Texnofest” Azärbaycanda üz işeklären açtı
Törkiyä texnologiya taqımı waqıfı (T3 waqıfı), Azärbaycan sanlı qamilläşterü häm transport ministrlığı belän Törkiyä Cömhüriyäte sänäğät häm texnologiya ministrlığınıñ äydäp baruçanlığında ilneñ möhim oyışmaları belän firmalarınıñ bulışlığı belän Baqı “Kristal xoll häm diñgez yarı bulvarı milli parkında oyıştırılğan “Texnofest Azärbaycan başlandı.
Festivalneñ açış tantanasında Törkiyä Sänäğät häm texnologiya ministrı Mostafa Varank, Azärbaycan sanlı üseş häm transport ministrı Räşat Näbiyıv, Törkiyä İlbaşı idaräseneñ saqlanu sänäğäte başlığı İsmail Dämir, “Texnofest” idarä şurası başlığı Sälçuk Bayraqtar, Törkiyädän häm Azärbaycannan küp sanda oyışmanıñ häm şirkätneñ yuğarı däräcäle citäkçese qatnaştı.
Festival’ qısalarında 29nçı mayğa qadär törle tamaşalar, texnologiya bäygeläre uzaçaq.
“Akıncı” keşesez höcüm hawa apparatı, keşesez qorallı hawa apparatı “Bayraktar TB2”, Azärbaycan hawa köçläre, Törek hawa köçlärenä bäyle “Törek yoldızları” häm “Solo Törek” Baqı kük yözendä tamaşa oçışların başqaraçaq.
Törkiyäneñ aldınğı saqlanu sänäğäte häm texnologiya oyışmaları “Texnofest Azärbaycan”da açqan stendlarında êşlänmälären häm säläten täq’dir itäçäk.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
