Törkiyä parlament başlığı Şuşağa bardı
İq’tisadi xezmättäşlek oyışması Parlamentariylär assambleyasınıň 3nçe ğomum konferenśiyası öçen Azärbaycanğa kitkän Törkiyä Böyek Millät Mäclese Başlığı Mostafa Şäntop Qarabaxnıň simvol şähäre Şuşada buldı
Azärbaycan Milli Mäclese oyıştırğan säyäxättä Şäntop belän bergä Milli Mäcles Başlığı Sahibä Gafarova, Paqıstan Milli Mäcles Başlığı Raja Pärvaiz Aşraf belän Tacikstan Parlamentı Başlığı Mahmadtoir Zokirzoda da qatnaştı.
Başqala Baqıdan ärmän yawınnan azat itelgännän soň tözelä başlanğan häm 2021nçe yılnıň 26nçı üktäbr’ könne açılğan Fuzuli hawa mäydanına oçqıç belän kitkän Şäntop häm başqa räsmilär Fuzulidän yaňa salınğan Ciňü yulı belän tarixi qala Şuşağa barıp citte.
Azärbaycan İlbaşınıň Şuşa maxsus wäkile Aydın Kärimov Şäntopqa häm yanındağılarğa şähärneň original’ miğmari stile belän Azärbaycan xalqınıň milli, mädäni mirası turında mäğ’lümat birde.
Şäntop häm başqa räsmilär Azärbaycannıň mädäniyät başqalası Şuşada şähär mäydanın, qal’ğanı, şağıyr Hurşitbanu Hatavannıň yortın, şağıyr Molla Pänah Vagifneň törbäsen, Cıdır üzänlegen häm mäçetlären qaradı.
Bäyläneşle xäbärlär
Tatarca söylämne rusçağa tärcemä itüçe täwge quşımta
Tatarstan fännär aklademiyäse “Tatsoft” quşımtasın täq’dim itte
