Qazanda may yallarında küpme turist kötelä?

Turktatar.com säxifäse beldergänçä Qazanğa may yallarında 100 meñnän artıq qunaqnıñ kilüe kötelä. 

Qazan mêrı İl’sur Metşin: “Qazanda qunaq qabul itü ölkäsendä 2013tä citdi êşçänlek başlatıldı. Bügenge köndä Qazannıñ turizm potenŝialı tarixi urınnar ğına tügel, şul uq waqıtta yuğarı sıyfatlı qunaqxanä xezmätläre belän här läzzät häm byudjetka yaraqlı aş-su xezmäteder. Bügenge köndä Qazanda qunaqxanä tarmağında 11 meñnän artıq keşe êşli, läkin haman da personal qıtlığı bar. Bu problemanı qunaqxanä menedjerları çişärgä tiyeş,” – dide.

Şähärdä bügenge köndä 16 meñnän artıq turistnı qunaq itä alaçaq 229 qunaqxanä bar. Bu yılnıñ mart ayında qunaqxanälär urtaçaq 52%ka tuldı. May yalları häm cäy öçen rezervaŝiyalär däwam itä.

Uzğan yılnı Qazanğa 3 million turist kilgän ide.