Azärbaycannıñ berençe ilbaşı wafat
Sovetlar Berlege tarqalğannan soñ Ayaz Mutallibov Azärbaycanda ilbaşı bularaq saylana
Azärbaycannıñ Sovetlar Berlegennän ayırılıp bäysezlegen iğ’lan itüennän soñğı berençe ilbaşı Ayaz Mutallibov 84 yäşendä wafat buldı.
Baqıda tuğan säyäsätçe 1989nçı yılda Azärbaycan sovet sośialistik cömhüriyäte ministrlar kabinetın citäkli. Sovetlar Berlege tarqalğannan soñ isä il belän idarä itä başlıy.
Ayaz Mutallibov 1991nçe yılnıñ 8nçe sentyabrendä uzğan saylawlarda ciñä häm Azärbaycannıñ täwge ilbaşı bula. 1992nçe yılnıñ 6nçı martında isä ul wazıyfasın taşlap Rusiyägä kitä häm 2012nçe yılğa qadär şunda yäşi. Annarı Azärbaycanğa kire qayta häm säyäsätkä kermäyäçägen belderä.
Ayaz Mutallibov küpmeder waqıttan birle xastaxanädä däwalana ide.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte