Tatar: “Köräşebez däwam itäçäk”
Tön’yaq Kipr Törek Cömhüriyäte İlbaşı Ärsin Tatar Kipr törek xalqınıñ xaqlı möstäqıyllek köräşeneñ beterelüenä häm töp watanı Törkiyä belän bağlanışlarınıñ özelüenä hiç röxsät birmäyäçäklären äytte
İlbaşı Tatar TÜRKSOY Xalıqara törki mädäniyät oyışmasınıñ Törkiyä başqalası Änkaradağı üzägendä buldı.
Tatar biredä yasağan çığışında Kiprda törek xalqınıñ xaqlı köräş alıp baruına basım yasap: "Śivilizaśiyälär bäreleşe belän bezne Kiprdan çitläşterügä, Kiprnıñ grek tarafına bäyle buluı öçen başqarılğan genośidqa barıp citkän törle êşçänlekkä Kipr törek xalqı härwaqt qarşı tordı. Kipr törek xalqı töp watanı Törkiyä Cömhüriyäteneñ yaqlawı belän dä alıp barğan köräştä Kiprda ike ayırım xalıqtan berse buluın, bu köräşneñ dä suverenlıq nigezendä alıp barılğan köräş buluın kürsätte”, - dip belderde.
Kiprda kilep citelgän torışta barı tik ike ayırım möstäqıyllek nigezendä xezmättäşlek üsterelä alınaçağın iskärtep uzuçı Tatar: "Bez Kipr törek xalqı bularaq xaqlı köräşebezdän waz kiçmäyäçäkbez, möstäqıyllegebezneñ qulıbızdan alınuına häm töp watanıbız Törkiyä belän bağlanışlarıbıznıñ özelüenä hiç röxsät birmäyäçäkbez. Monı böten dönyağa citkerdek”, - dip äytte.
Tatar, zur törki dönyanıñ öleşe bularaq törkilek köräşen alıp baruların citkerep, Kiprda ike ayırım xalıqnıñ buluına basım yasadı.
Kiprda yäşäwçe töreklärneñ üz tarixları häm mädäniyätläre belän ayırım xalıq bularaq kiläçäklären bilgeläw xoquqına iyä buluların belderüçe Ärsin Tatar Kipr törek xalqınıñ xaqlı köräşeneñ izge häm qıymmätle buluın iskärtep uzdı.
