Qazaqstanda tärtip urnaştımı?

Qazaqstan däwlät başlığı Kasım Cömärt Tokayev “İldä konstituśion tärtip zur külämdä qabat torğızıldı” dip belderü yasadı.

Reyters yazğança, Qazaqstan däwlät televideniyese ilbaşı Tokayevnıñ bügen xalıqqa möräcäğat’ itäçägen citkerde.

İldä protest çaralarında ğomere özelgän iminlek xezmätkärläreneñ sanı 18 gä citkän. Bu sannarnı Qazaqstan êçke êşlär ministrlığı kiterä.

İldä sıyıqlaştırılğan gaz yağulığına bäyä artu häm sośial’-iq’tisadi xälneñ naçarayuı säbäple 2nçe ğıynvarda rizasızlıq çaraları başlandı. Ul üsep iñ zur şähär Almatada köç qullanu ğamälläre häm qorallı bäreleşlärgä äwerelde.

İlbaşı Kasım Cömärt Tokayev protestlar öçen cawaplı sanaluçı xökümätneñ wazıyfadan kitüen rasladı. Waqıyğalarnıñ kiñ cäyelüe näticäsendä ğadättän tış xäl kertelde.