47 yıl êlek üterelgän balalar cirlände
1974nçe yılda grek terrorçı oyışması ütergän balalarnıñ gäwdäläre qazınular waqıtında tabılğan ide
Kiprnıñ Muratağa häm Sandallar awıllarında 1974nçe yılnıñ 14nçe avgustında EOKA-B terrorçı oyışması ütergän 11 törek balasınıñ qazınular waqıtında tabılğan gäwdäläre, DNK analizı yärdämendä kemlekläre açıqlanğannan soñ, cirlände.
Muratağa-Sandallar şähitlär qaberlegendä uzğan cenaza yolasında Tön’yaq Kipr Törek cömhüriyäte ilbaşı Ärsin Tatar çığış yasadı. Ul greklarnıñ 1963nçe yılnıñ 21nçe dekabrendäge Qanlı Raştua waqıyğaları belän Kipr töreklärenä qarşı üterülärne başlawın, soñınnan törle noqtalarda cirle töreklärgä qarşı höcümnärneñ däwam itüen, küp keşeneñ şähit buluın söyläde.
“Greklar Kipr töreklären genośid häm êtnik çistartu aşa uzdırğannan soñ utrawnıñ Greśiyägä quşılaçağın uylıy ide. Bez, älbättä, qarşı tordıq. 1974nçe yılda Törkiyäneñ qatışuı näticäsendä Kiprda irekle häm bäysez tormışıbıznı layıqlı räweştä däwam itäbez,”-dide Ärsin Tatar.
Ul Kiprda 1974nçe yıldan aldağı çorğa qaytırğa telämäwlären, bäysez yäşi aluları öçen Törkiyäneñ êffektiv garantyerlığınıñ däwam itüe kiräklegen assızıqladı.
Çığışlardan soñ 11 balanıñ gäwdäse doğalar belän cirlände.
Bäyläneşle xäbärlär
Törkiyä ministrı Üzbäkstanda
Ğailä häm sośial’ xezmätlär ministrı Üzbäkstan ğailä häm xatın-qızlar komitetı başlığı belän oçraştı
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
