Fizuli aêroportı açıla

Azärbaycanda Fizuli xalıqara aêroportı Törkiyä ilbaşı Räcäp Tayyip Ärdoğan qatnaşında 26nçı oktyabr’dä açılaçaq. Bu - Ärmänstan basıp aluınnan qotqarılğan cirlektä täwge zur proyekt. Fizuli şähärendäge älege aêroport törek häm azärbaycan injenerlarnıñ berdäm êşçänlege näticäse.

Proyektqa 14nçe ğıynvarda nigez salındı. Ul 124 gektar mäydannı biläp tora. Aêroport 3 çaqrım ozınlıqtağı häm 60 metr kiñlektäge oçış yulına iyä.

Proyekt näticäsendä başqala Baqı belän Fizuli arasındağı yul yartı säğat’lek bulaçaq. Ul täêminat häm logistika êşçänlege öçen kritik ähämiyätkä iyä.

İlbaşı Ärdoğan basıp aludan qotqarılğan cirleklärgä berençe räsmi säfär yasağan däwlät liderı buldı.