Azärbaycanda 2nçe Qarabax suğışınıñ 1 yıllığında şähitlär iskä alındı
Azärbaycanda Ärmänstan okkupaśiyäsendäge cirlärneñ azat itelüe öçen 2020nçe yılnıñ 27nçe sentyabr’ könne başlatılğan 44 könlek suğışnıñ ber yıllığında şähitlär iskä alındı
"Şähitlärne iskä alu köne" mönäsäbäte belän Azärbaycanda il külämendä törle çaralar oyıştırıldı.
İlbaşı İlham Aliyev, millätkä möräcäğät itep, şähitlärne yarlıqaw häm räxmät belän iskä aluların belderde.
Aliyev, çığışında Törkiyäneñ yärdämen dä telgä alıp: "44 kön buyı bezgä in küp yärdäm kürsätkän qardäş Törkiyägä iñ tiran räxmätläremne citkeräm”, - dip äytte.
Suğışnıñ ber yıllığında şähitlärneñ istälegenä başqala Baqıda yöreş oyıştırıldı.
Yöreştä İlbaşı İlham Aliyev häm xäläl cefete Mihriban Aliyeva da qatnaştı.
Aliyev annan soñ Watan suğışı häykäle belän Ciñü muzeyınıñ nigezen saldı.
2nçe Qarabax suğışında Azärbaycan ğaskäre 2 meñ 907 şähit birgän ide. İlbaşı Aliyev operaśiya başlağan 27nçe sentyabr’ne "Şähitlärne iskä alu köne” bularaq iğ’lan itkän ide.
