Germaniyäneñ zur fänni premiyäse - törki ğalimnärgä
Paul’ Êrlix häm Lyudvig Darmştadter isemendäge 2022nçe yıl premiyäläre koronavirus vakśinasın uylap tabuçılarğa bireläçäk
Germaniyädä mediśina dön’yasınıñ ähämiyätle büläkläre sanaluçı Paul’ Êrlix häm Lyudvig Darmştadter isemendäge 2022nçe yıl premiyäläre koronavirus vakśinasın uylap tapqan törek ğalimnär Özläm Türäci häm professor Uğur Şahin, şulay uq, macar millätennän bulğan fän êşleklese Katalin Karikoğa bireläçäk.
Paul’ Êrlix waqıfınnan yasalğan belderüdä bolay diyelä:
“Şahin, Türäci häm Kariko mäğ’lümati PNKnı (mRNK) awırularnı kisätü häm däwalawda prinśip bularaq üsterüdä kürsätkän qatğıylıqları häm küzallawları säbäple 2022nçe yılğı premiyägä layıq buldı”.
Koronavirus vakśinasın uylap tapqan Germaniyä biotexnologiya şirkäte BioNTechqa nigez saluçı xezmättäşlär Şahin häm Türäci belän oyışmanıñ ikençe räise Katalin Kariko 120 meñ yevro külämendäge büläkne 2022nçe yılnıñ 14nçe martında Frankfurtta uzaçaq tantanada alaçaq.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
