Üzbäkstandağı äfğannar başqa ilgä cibärelde

Üzbäkstan Talibannan qaçıp üzenä sıyınğan Äfğanstan xärbiläre häm watandaşlarınıñ ildän kitüen belderde.

Bu xaqta Üzbäkstan tışqı êşlär ministrlığınnan yasalğan belderüdä citkerelä. Anda äytelgänçä, uzğan ayda Äfğanstanda Taliban xakimiyätne üz qulına alğannan soñ qanunsız yullar belän qaçıp Üzbäkstanğa kergän barlıq äfğan watandaşları soñğı ike köndä başqa däwlätkä kitkän. Alar arasında xärbi oçuçılarnı da kertep 585 ğaskäri dä bar ide.