Azärbaycan xärbiläre ärmännärgä yärdäm itä

Tawlı Qarabaxta bäreleşlärne tuqtatqan kileşü nigezendä Azärbaycan territoriyäsendä bulğan ärmän grajdanlıları häm xärbilär cirlektän çigenülären däwam itä.

Azärbaycan ğaskäriläre xalıqnıñ cıyınıp kitüenä yärdäm itä.

Küptän tügel ärmäñnärneñ buşağan öylärne, däwlät binaların häm urmannarnı yandıruların kürsätüçe videolar çıqqan ide. Şuña da qaramastan, Azärbaycan xärbiläre kitep ölgermägän ärmännärgä yärdäm itä.

Sośial’ mediada çıqqan ber videoda Ağdam rayonınıñ Abdal Gülablı awılında öylären waqıtında buşata almağan qayber ärmän grajdanlılarnıñ Azärbaycan xärbilärennän yardam sorawı kürenä. Anda azärbaycanlı komandir: “Teläsägez Azärbaycan watandaşı bularaq monda qala alasız. Teläsägez kitä alasız. Berkem dä sezgä naçar möğamälä kürsätmäyäçäk. Monnan alda da sezgä yärdäm ittek,”-dide. Grajdanlı ärmännär dä anıñ süzlären raslıy häm räxmät belderä.

Videoda Azärbaycan ğaskäriläreneñ ärmän grajdanlılarnıñ äyberlären furgonlı maşinalarğa töyäwe dä kürenä.

Azärbaycan armiyäseneñ 27nçe sentyabr’dä başlağan Qarabax operaśiyäsendäge uñışı Ärmänstannı 10nçı noyabr’dä solıx kileşüen imzalarğa mäcbür itte. Alarnıñ qorallı köçläre 20nçe noyabr’dän başlap Ağdamnan çıqtı.

Kälbäcär töbägen Ärmänstan 15nçe noyabr’dä birergä tiyeş ide, ämma toraq punktlarnı buşatıp ölgermädelär häm waqıtnı ozaytunı soradılar. Azärbaycan 10 könlek östämä waqıt birde. 25nçe noyabr’dä basıp alınğan cirlär kire birelde.

Ärmänstan Laçın töbägen 1nçe dekabr’gä qadär Azärbaycanğa biräçäk.