Qırğızstanda protest çaraları

Qırğızstanda däwlät başlığı idaräse sistemasına küçüne küzallawçı Konstituśiyä proyektına protest belderdelär. Yaqınça 500 keşelek törkem Bişkäk vokzalınnan şähär üzägendäge Ala-Too Mäydanına taba yörde. Alar Töp qanun proyektındağı qayber maddälärgä iğ’tibarnı cälep itärgä tırışa.

Çarada “Reforma” häm “Ana Watan” säyäsi partiyäläre äğ’zalarınnan tış qayber ilbaşı kandidatına kandidatlar da qatnaştı. Alar “Xan konstituśiyäsenä bez qarşı” häm “Konstituśiyä proyektı kire alınsın” dip yazılğan plakatlar totqan ide.

İlbaşı saylawında qatnaşu öçen kandidat Sadık Şer-Niyaz bolay di: “Xalqıbıznıñ xälen yaxşırta torğan Konstituśiyägä bez qarşı tügel. Ämma qurqıtıp töp qanun üzgärtelä almıy. Bezgä parlamentar idarä sisteması kiräk”.

Qırğızstanda Xalıq qorıltayı isemle yaña organnıñ oyıştırıluı häm däwlät başlığına külämle wäqalätlär birelüen küzallawçı yaña Konstituśiyä proyektı qarala. Monıñ öçen maxsus komissiyä buldırıldı.

Konstituśiyä üzgäreşlären kön tärtibenä quyğan deputatlar 2021nçe yılnıñ 10nçı ğıynvarında ilbaşı saylawı belän bergä töp qanun referendumı uzdırunı da täq’dim itte.

Qırğızstanda 1991nçe-2010nçı yıllarda däwlät başlığı sisteması ide. İldä ike xalıq tüntäreleşennän soñ, 2010nçı yılda referendum belän parlamentar idarä sistemı saylandı.