Tawlı Qarabaxta küzätü noqtalarınıñ sanı arttı
Rusiyä saqlanu ministrlığı süzçese İgor Konaşenkov Tawlı Qarabaxta front sızığı buyı urnaştırılğan küzätü urınnarı sanında üzgäreş buluın belderde
Konaşenkov yasağan belderüendä Rusiyä xärbiläre wazıyfa başqaraçaq küzätü punktlarınıñ yañadan urnaştırıluın häm sannarınıñ arttırıluın belderde.
Xäzerge wazğiyät küz aldında totılıp xärbilärneñ urnaşqan urınnarında häm küzätü noqtalarında yañadan bilgelänü yasaluın assızıqlawçı Konaşenkov Tawlı Qarabaxta "tön’yaq" cawaplılıq töbägendä 11, "kön’yaq" cawaplılıq töbägendä 12 buluı belän bergä tuplam 23 küzätü noqtasında täwlek buyı küzätü häm kontrol’ wazıyfasınıñ başqarıluın citkerde.
Konaşenkov monnan aldağı kön yasağan açıqlawında "kön’yaq" cawaplılıq töbägendä 9, "tön’yaq" cawaplılıq töbägendä 9 küzätü noqtası, Laçın koridorında isä 7 waqıtlı küzätü noqtasınıñ urnaştırıluın beldergän ide.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte