3nçe tapqır utnı tuqtattılar

Azärbaycan belän Ärmänstan arasında qabat utnı tuqtatu iğ’lan itelde. Bu Tawlı Qarabaxta bäreleşlär başlanğan kön, yäğ’ni 27nçe avgusttan birle 3nçe tapqır.

İke däwlät arasında bügen cirle waqıt belän säğat’ 8dä gumanitar utnı tuqtatu ğamälgä kerde. Anı kiçä kiç AQŞ xäbär itte. İlneñ däwlät departamentınnan mondıy belderü yasaldı: “Ärmänstan tışqı êşlär ministrı Zograb Mnaśakanyan häm Azärbaycan tışqı êşlär ministrı Cäyxun Bayramov 24nçe oktyabr’dä AQŞ däwlät särqatibe urınbasarı Stiven Bigan belän oçraştı häm illärneñ 10nçı oktyabr’dä Mäskäwdä kileşengän gumanitar utnı tuqtatunı cirenä citkeräçäklären häm burıçların ütäyäçäklären rasladı.

Comğa könne AQŞ däwlät särqatibe Mayk Pompeo Azärbaycan häm Ärmänstan tışqı êşläre ministrları belän ayırım-ayırım oçraştı häm Tawlı Qarabax mäs’äläsen çişü öçen diplomatik omtılışlarnı däwam itäçäklären kürsätte.

Yaqlar 10nçı häm 18nçe oktyabr’dä gumanitar utnı tuqtatu iğ’lan itte. Ämma Ärmänstan  köçläre älege qarardan soñ berniçä säğat’ ütügä anı bozıp Azärbaycannıñ Gäncä şähärendä tınıç xalıqqa ut açtı.