Azärbaycan armiyası tağın 13 awılnı Ärmänstan yawınnan azat itte

Aliyev “Twitter” akkauntınnan: "Ciñüçe Azärbaycan ğaskäre Hocavend vilayäteneñ Dolanar häm Bünyadlı, Cäbrail vilayäteneñ Dağ Tumas, Nüsüs, Häläfli, Minbaşılı häm Väysälli, Zängilan vilayäteneñ Vänädli häm Mirzähäsänli awılların yawdan azat itte. Yäşäsen Azärbaycan ğaskäre. Qarabax Azärbaycandır," – dip urtaqlaştı.

İlbaşı Aliyev Gubadlı vilayäteneñ Zilanlı, Kürt Mahrızlı, Muğanlı häm Alakurşak awıllarınıñ da Ärmänstannıñ yawınnan azat itelüe söyeneçen citkerde.

Azärbaycan armiyası Tawlı Qarabaxta 27nçe sentyabr’dä başlatqan operaśiyädä 3 şähär üzägen, 3 qasabanı häm 130dan kübräk awıl belän qayber möhim qalqulıqlarnı Ärmänstannıñ yawınnan azat itkän ide.