Utnı tuqtatırğa tağın ber qat kileştelär
Azärbaycan belän Ärmänstan arasındağı utnı tuqtatu kileşüe tönlä ğamälgä kerde
Azärbaycan belän Ärmänstan gumanitar maqsatlı utnı tuqtatuğa kileşte. Älege qarar cirle waqıt belän näq’ tön urtasında ğamälgä kerde. Bu xaqta Azärbaycan tışqı êşlär ministrlığınnan belderdelär.
Ärmänstan belän Azärbaycan Rusiyä başqalası Mäskäwdä uzğan söyläşülärdä 10nçı oktyabr’dän Tawlı Qarabaxta mäyetlärne häm äsirlärne almaşu maqsatınnan utnı tuqtatırğa kileşkän ide inde. Ämma Ärmänstan armiyäse älege qarardan soñ 24 säğat’ tä ütmägän kileş Azärbaycannıñ Gäncä şähärenä raketalar belän ut açtı. Näticädä 10 keşe ülde, 35e yaralandı.
15nçe oktyabr’dä isä Tärtär şähärendä cenaza öçen ziratqa barğan keşelärgä ut açtılar. Anda 4 grajdanlı ülde, 4se yaralandı.
Kiçä Gäncägä raketalar belän tağın höcüm yasaldı. 13 keşeneñ ğomere özelde, 50dän artığın cimereklär astınnan yaralı xäldä çığardılar.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte