Ärmänstan yänä tınıç xalıqqa höcüm itte
Azӓrbaycannıň Gӓncӓ hӓm Miňgeçӓver qalalarına oyıştırılğan raketa höcümendä tınıç xalıqtan 13 keşeneň ğomere özelde
Ӓrmӓnstan armiyӓse tönlӓ Azӓrbaycannıň Gӓncӓ hӓm Miňgeçӓver qalalarına raketa höcüme oyıştırdı. Berençe mӓğ’lümatlarğa küra, höcümdӓ tınıç xalıqtan 13 keşeneň ğomere özelde, 45 tӓn artıq keşe yaralandı.
Gӓncӓdӓ höcüm töbӓgendӓ küp sanda keşe xӓrӓbӓlӓr astında qaldı.
Anda êzlӓw-qotqaru êşçӓnleklӓreneň dӓwam itüe belderelӓ.
Azӓrbaycan ilbaşı urınbasarı Xikmӓt Xacıyev üzeneň tvitter akkauntında Ӓrmӓnstanğa yaňa raketa sistemaları küçerelüen hӓm toraq punktlarğa ut açıluın citkerde.
Xacıyev Gӓncӓdӓge höcümdӓ 20 dӓn kübrӓk öyneň cimerelüen , höcümneň Ӓrmӓnstan dӓwlӓteneň terror sӓyӓsӓten bik açıq kürsӓtüen belderde.
Tınıç xalıq yӓşӓgӓn töbӓklӓrgӓ ırğıtılğan raketalardan berseneň küp qatlı binağa turı kilüe nӓticӓsendӓ 13 keşeneň ğomere özelde, 45 tӓn kübrӓk keşe yaralandı.
Xikmӓt Xacıyev “Êl’brus” ballistik raketaları belӓn ğadi xalıqqa höcüm Yerevan citӓkçelegeneň ӓxlaqsız hӓm şizofrenik mentalitetın kürsӓtüen assızıqladı.
Xacıyev tınıç xalıqqa höcümneň suğış qırındağ ciňelülӓre arqasında Ӓrmӓnstan citӓkçelegeneň köçsezlegen, ğacizlegen kürsӓtüen hӓm höcümneň naçar niyӓt belӓn başqarıluına basım yasadı.
Ӓrmӓnstan armiyӓseneň Miňgeçӓver qalasına ırğıtqan raketaları Azӓrbaycan hawa saqlanu köçlӓre tarafınnan yuq itelde.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
