Aliyev: “Azärbaycan hiçber şartta Tawlı Qarabaxnıñ yawlap alınuına rizalıq birmäyäçäk”

İlham Aliyev häm Ärmänstan Baş ministrı Nikol Paşin’yan Rusiyäneñ “Ria Novosti” xäbär agentlığına äñgämä birde, ber ük sorawlarğa cawap birde.

Azärbaycan İlbaşı Aliyev tağın ber qat qızıl sızıqların açıqladı, hiçber şartta taşlamanıñ yasalmayaçağın citkerde.

Aliyev: "Beznen totışıbız härwaqıt bik konstruktiv häm êzlekle ide, qızıl sızıqlarıbıznı bik anıq räweştä belderdek. Azärbaycannıñ cir bötenlege hiçber şartta bozıla alınmayaçaq, Azärbaycan hiçber şartta Tawlı Qarabaxnıñ yawlap alınuına rizalıq birmäyäçäk”, - dip basım yasadı.

Aliyev här suğışnıñ växşät buluın, läkin Azärbaycan xalqı öçen azatlıq, Ärmänstan öçen isä basıp alu suğışı buluın äytte.

Azärbaycan Däwlät başlığı, yalçılarnıñ (kontrakt belän êşläwçe ğaskärilärneñ) Azärbaycan armiyası saflarında buluı raslawın isä qatğıy räweştä kire qağıp: "Ğaskäri yaqtan çittän qatnaşuğa ixtıyacıbız yuq. Armiyabız 100 meñnän kübräk ğaskäridän tora, xäzerge waqıtta bez iyä bulğan xärbi berleklär birelgän här wazıyfanı urınına citkerep başqaru sälätenä iyä”, - dip äytte.

Ärmänstan Baş ministrı Paşin’yan isä frontta bik awır wazğiyättä buluların açıqtan-açıq äytte, yuğaltularınıñ küp buluın belderde.

Kileşü öçen äzer buluların alğa sörüçe Paşin’yan, Ärmänstannıñ grajdan toraq urınnarına höcümnären iğ’tibarsız qaldırıp: "Mäskäwdä qabul itelgän adımnarnı ütärgä bez äzer”, - dip äytte.