Ärdoğan: “Qırım tatarlarına härtörle yärdämne däwam itäçäkbez”

Ukraina Däwlät başlığı Vladimir Zelenskiyneň dä Qırım mäs’äläsendä qatği buluın kürüen assızıqlawçı Ärdoğan: "Ul da bigräk tä “Qırım tatarları mäs’äläsendä sizgerlegegez nider?” diyep bolarnı minnän ayıruça belergä teläde. Min dä qatğilığıbıznı äyttem. Xätta xäzerge waqıtta Herson töbägendä 500 toraq sala alabız, dip täq’dim ittem, “bergä yasıyq” dide. Bez dä urınlı bulır, didek. Moxitnı saqlaw häm şähär tözeleşe ministrıbız wäkillek belän bergä, inşallah, kiläçäk, biredä xörmätle Däwlät başlığı bilgeläyäçäk zatlar belän söyläşülär ütkäräçäk häm qaysı töbäk otışlı bulsa anda êşçänlekkä başlayaçaqlar”, - dip belderde.

“Kievta qırım tatar qardäşlärebez öçen mäçet, toraq häm êş urınnarınnan torğan qolliyät töziyäçäkbez”, - dip basım yasawçı Ärdoğan: “Monıň öçen şulay uq urtaq adım yasarbız. 33 000 kvadrat metrlıq cir mäydanın andağı qardäşlärebez aldı. Qırım tatarlarınıň üz ayaqları östendä toruına bik zur ähämiyät biräbez. Qırımlı qardäşlärebezgä säyäsi, iq’tisadi, diplomatik häm mädäniyät ölkälärendä dä härtörle yärdäm kürsätäçäkbez. Bigräk tä Hersonda yasalaçaq adımnarğa ähämiyät biräbez. Bu adımnar belän bergä annan soň xörmätle Däwlät başlığı Zelenskiy anda nindi adımnar yasıy alabız, bolarnı da söyläşerbez”, - dip äytte.