İstanbulda Rämiyevlär iskä alına
İdel-Ural törkiläreneñ ictimaği häm mädäni tarixında Rämiyevlär ğailäseneñ urını
21nçe noyabr’ könne İstanbulda Märmär universitetı qarşındağı Törkiyät tikşerenüläre institutında mäşhür Rämiyevlär ğailäsenä bağışlanğan xalıqara fänni konferenśiya uzaçaq.
Tanılğan tatar şağire Därdmändneñ (Zakir Rämiyevneñ) tuuına 160 yıl tulu mönäsäbäte belän oyıştırılğan fänni cıyında Rämiyevlär ğailäseneñ tarixı häm xatiräläre, Rämiyevlär ğailäseneñ iñ mäşhür äğ’zase Zakir Rämiyevneñ (Därdmändneñ) äsärläre, Rämiyevlärneñ İdel-Ural törkiläreneñ ictimaği häm mädäni tormışında öleşe kebek temalar yaqtırtılaçaq.
Därdmändneñ tuğannarı ğalimä häm yazuçı Gönül Pultar belän Ali Vahit Turhan, tanılğan tatar ğalime Nadir Däwlät, Finlandiyadan Okan Dahär, Törkiyädä êşçänleklären alıp baruçı tatar ğalimäläre Läysän Şahin, Ramilä Yarullina Yıldırım, Çulpan Zaripova Çätin, İl’yas Miftaxov qatnaşuçı konferenśiyädä Tatarstannan Marat Ğibatdinov belän Lalä Mortazina da çığış yasayaçaq.
Äminä Aygistova häm Marat Şaripov başqaruında Därdmänd şiğirlärenä yazılğan cırlar häm köylär yañğırayaçaq cıyın qısalarında Törkiyäneñ Qazandağı êlekke baş konsulı Turxan Dilmaçnıñ Tatarstan temalı fotosürätläre dä täq’dim iteläçäk.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte