Leonardo Da Vinçi - törki?

Renessans çorınıñ tanılğan sänğat’çelärennän ital’yan Leonardo Da Vinçinıñ törki xalıqlardan bulu mömkinlegen açıqladılar. Monı sänğat’ tarixın öyränüçe ğalim Saymon X’yuitt belderä. Ul ber kitabında Da Vinçinıñ babalarınıñ xäzärlär bulu ixtimalın alğa sörä. Ğalim bu süzlären1495nçe yılda yasalğan häm bik tanılmağan karikaturağa nigezlänep äytä. Soñınnan X’yuitt “The Guardian” gazetına interv’yusında Da Vinçinıñ kilep çığışın anıñ cirän çäçläre belän bäyli.  

“15nçe ğasırda Milanda cirän çäçlelär siräk küreneş. X’yuitt Leonardonıñ Aziyäneñ dalalarınnan Qara diñgezgä häm Könçığış Awrupağa taralğan cirän çäçle törki tamırlı xäzärlärdän kilüen uylıy,”-dip yaza gazet.