Törkiyädän Qırğızstanğa yärdäm

Törek xezmättäşlek häm koordinaśiya agentlığı (TİKA) Qırğızstannıñ Talas töbägendä Bakay-Ata ilçä mädäniyat üzägen tözekländerü häm cihazlandıruğa öleş kertte.

Anı açu tantanasında Qırğızstan parlament başlığı Dastanbäk Cumabäkov, Törkiyäneñ Bişkäktäge tulı wäqalätle ilçese Cengiz Kamil Fırat, Törek xezmättäşlek häm koordinaśiya agentlığınıñ Bişkäk programması koordinatorı Ali Muslu qatnaştı.

Tantanada çığış yasawçı Cumabäkov Törkiyäneñ yärdäme belän mädäniyat üzägeneñ yañartıluın belderep , Törkiyä citäkçelege häm xalqına räxmätlären citkerde.

Qırğızstan parlament başlığı Dastanbäk Cumabäkov şulay uq Talas qalasınnan 100 çaqrım yıraqlıqta Kara Bura ilçäsendä TİKA töziyäçäk balalar baqçasına da nigez saldı.