Änkara ziratında tatar zıyalıları

Änkaradağı Cäbäci ziratında tatar zıyalıları iskä alındı

Änkara ziratında tatar zıyalıları
Änkara ziratında tatar zıyalıları
Änkara ziratında tatar zıyalıları

2019nçı yılnıñ 25nçe may könne Törkiyä başqalası Änkarada urnaşqan Cäbäci Asri ziratında “İsännärneñ käderen, ülgännärneñ käberen bel” isemle çara ütkärelde.

2019nçı yılnıñ 25nçe may könne Törkiyä başqalası Änkarada urnaşqan Cäbäci Asri ziratında “İsännärneñ käderen, ülgännärneñ käberen bel” isemle çara ütkärelde.

Ädäbiyät belgeçe Roza Qorbannıñ äydäp baruçanlığında oyıştırılğan çara waqıtında şuşı ziratta urnaşqan tanılğan tatar zıyalıları: professor doktor Säğädät Çağatay, ädäbiyatçe, folk’lorçı, arxeolog, fiologiya doktorı Xämit Zübäyer Koşay, mäğrifätçe, yazuçı häm ğalim Zakir Kadiri Ugan, şağirä häm mäğarifçe Saniyä İffät Ugan, Bötendönya tatar ligasınıñ berençe qoruçı başlığı, jurnalist Ali Aqış häm tuğannarınıñ käberläre yanına barılıp, iskä alındı, doğalar qılındı.

Çaranı ütkärer aldınnan çığışı belän seber tatarı bulğan Mostafa Gültäkin, ziratqa kilep, tatar zıyalılarının käberlären äzläp taba. Doktarant İl’yas Miftaxov tatar zıyalılarınıñ ruxları öçen doğa qıldı.

Çarada Ayaz Tahir Törkistan İdel-Ural waqıfı başlığı doktor Tülay Duran, waqıfnıñ idarä şurası äğ’zase ğalim Timur Kocaoğlu, Hacı Bayram Väli universitetı jurnalistika fakultetı dekanı professor doktor Zakir Avşar, kürenekle tatar ğalime Äxmät Timerneñ qızı Bahşayiş Temir Fıratoğlu da qatnaştı.

Ayaz Tahir Törkistan İdel-Ural waqıfı başlığı doktor Tülay Duran Säğädät xanımnıñ käbere yanında yasağann çığışında, waqıf êşçänlegen häm şul isäptän qayber arxiv dokumentlarınıñ Tatarstanğa tapşırıluın añlattı.

Änkaradağı Cäbäci ziratındağı tatar zıyalıları käberlären ziyarät qılu çarasınnan soñ internet aşa ütkärelgän tatar tele därese waqıtında Roza Qorban şuşı çara turında häm tatar zıyalıları turında mäğ’lümat birep uzdı.



Bäyläneşle xäbärlär