Atambayev partiyasennän kitte

Qırğızstannıň êlekke dӓwlӓt başlığı Almazbek Atambayev üze qorğan Soŝial’ demokrat partiyaneň ğomüm başlıq wazifasınnan kitte.

Soŝial’ demokrat partiya süzçese Kunduz Joldubayeva soŝial’ media xisabınnan yasağan açıqlawda Soŝial’ demokrat partiyaseneň Başqarma şurası cıyılışınıň êlekke dӓwlӓt başlığı hӓm partiya ğomüm başlığı Atambayev rӓislegendӓ uzuın belderde.

Joldubayeva partiyaneň ğomüm üzӓgendӓge cıyılıştan soň qabul itelgӓn qararlarnı urtaqlaşıp, partiyaneň waqıtlıça ğomüm başlığı wazifasına Soŝial’ demokrat partiya xalıq ışanıçlısı Asel Koduranovanıň bilgelӓnüen citkerde.

Cıyılıştan soň partiyaneň soŝial’ media xisabınnan yasalğan açıqlawda isӓ dӓwlӓt başlığı Sooronbay Ceenbekovnıň qanunsızlıq belӓn körӓş sӓyӓsӓte tӓnqit’lӓnde hӓm kiçӓ Atambayevnıň tӓn saqçısı bulğan Damir Musakeyevnıň qulğa alınuına reakŝiya belderelde.