“İñ möhim mäs’älä - ike yaqlı säwdä külämen 5 milliard dollarğa citkerü”
Bu xaqta Qazaqstan tışqı êşlär ministrı Beybut Atamkulov Törkiyä – Qazaqstan urtaq strategik planlaştıru törkemeneñ 5 nçe cıyılışınnan soñ ütkärelgän matbuğat oçraşuında belderde
Qazaqstan başqalası Nur Soltanda Törkiyä – Qazaqstan urtaq strategik planlaştıru törkemeneñ 5 nçe cıyılışı uzdı.
Cıyılıştan soñ ike il tışqı êşlär ministrları urtaq matbuğat oçraşuı ütkärde.
Qazaqstan tışqı êşlär ministrı Beybut Atamkulov üz çığışında tübändägelärne citkerde:”İñ möhim mäs’älä- ilbaşlarıbız bilgelägän ike yaqlı säwdä külämen 5 milliard dollarğa citkerü. Bıyılnıñ berençe çiregendä ike yaqlı säwdä zur üseşkä ireşep 632 million dollarğa citte. Uzğan yılnıñ şul uq çorı belän çağıştırğanda 50% tiräse artış küzätelä. Qazaqstanda 2200 törek firması törle tarmaqlarda êşçänlek başqara”.
Cıyılışta transport mäs’äläseneñ dä qaraluın beldergän Atamkulov Qazaqstannıñ Awrupa häm Aziya arasındağı qıytğalar ara transport tarmağın üsterüen äytte.
Atamkulov:”Qazaqstan Aqtaw portın zamançalaştırdı häm potenśialın kiñäytte. Törek investorların Aqtaw portınıñ transport häm logistik üseşendä aktiv räweştä qatnaşırğa çaqırdıq”,-dide.
Qazaqstan tışqı êşlär ministrı Beybut Atamkulov 2013 nçe yılda qorılğan Qazaqstan Aselsan Engineering urtaq firmasınıñ ike il arasındağı xärbi xezmättäşlek ürnäklärennän berse buluına basıp yasap xäzerge waqıtta şirkätneñ Törkiyägä xärbi häm grajdanlıq êşlänmäläre êksportına kereşüen belderde.
Bäyläneşle xäbärlär
Ärmänstan belän Azärbaycan Qazaqstanda oçraşa
İke yaqnıñ tışqı êşlär ministrları Almata qalasında küreşep söyläşäçäk
