Tarkan nigä Qazanğa kilä?

Cırçınıñ konśert öçen Qazannı saylawı yuqqa tügel

Tarkan nigä Qazanğa kilä?

Törek pop-cırçısı Tarkan kiläse ayda Rusiyädä konśertlar quyaçaq. Ul “Törkiyä-Rusiyä ikeyaqlı mädäniyät häm turizm yılı” uñayınnan oyıştırıla.  Älege konśertlar turında söyläşülär uzğan yıl başlanğan.

Oyıştıruçı Säläxettin Atalay Tarkannıñ konśertların Mäskäw häm Qazanda ütkärü qararı birülären belderde. Ul Qazannı saylawlarınıñ ayırım mäğ’näse buluın assızıqladı. Atalay Rusiyä federaśiyäsenä bäyle Tatarstan cömhüriyätenä urtaq mädäni bäyläneşlär cähätennän millät bularaq bik ähämiyät birülären äytte. Bu konśert belän töreklärneñ Qazanda barı tik säwdä mänfäğat’läre bulmawın, şähärneñ sośial’, mädäni öslegenä dä  öleş kertergä teläwlären kürsätmäkçelär.     

Tarkan 11nçe mayda Qazanda “Tatneft’ Arena”da, 14nçe mayda Mäskäwdä “Krokus Siti Xoll”da konśert quyaçaq.



Bäyläneşle xäbärlär