Azärbaycan ilbaşı Törkiyä ministrın qabul itte

Törkiyä transport häm asqorma ministrı Mäxmät Cahit Turhannı Azärbaycandağı oçraşuları qısasında ilbaşı İlham Aliyev qabul itte.

Törkiyä ministrı  Baqıda 24 nçe Xalıqara telekommunikaśiya ,innovaśiya häm yuğarı texnologiyälär yärminkäsendä qatnaştı.

Aliyev biredä yasağan çığışında ike il arasındağı mönäsäbätlärneñ transport häm asqormanı da kertep här tarmaqta uñışlı räweştä alğa baruın belderde.

Transport tarmağında ike il arasındağı xezmättäşlekkä tuqtalğan Aliyev uzğan yıl açılğan Baqı-Tbilisi-Kars timer yul proyektınıñ barı tik töbäk öçen genä tügel, tağın da kiñräk geografik kiñlek öçen zur ähämiyätkä iyä buluına basım yasadı.

Azärbaycan ilbaşı ike ilneñ êlemtä tarmağında da xezmättäşlek başqaruın ,törek şirkätläreneñ Azärbaycanda ozaq yıllar bu tarmaqta êşläwen belderde.

Törkiyä transport häm asqorma ministrı Mäxmät Cahit Turhan ike il mönäsäbätläreneñ nıqlı ütkänenä basım yasadı, Azärbaycanda asqorma häm şähär tözeleşen dä kertep här tarmaqta zur üseşkä şahit buluların citkerde.  

Turhan Azärbaycannıñ uñışlarına Törkiyäneñ dä söyenüen ,ike ilneñ  monnan soñ da uñışlı proyektlar tormışqa aşıraçağın assızıqladı.

Aliyev häm Turhan soñraq BAKUTEL yärminkäsendä dä oçraştı.

Türksat, PTT, Turkcell häm Havelsan şirkätläre urın alğan Törkiyä stendın gizgän Aliyev Törkiyä ministrınnan älege şirkätlär êşçänlege xaqında mäğ’lümat aldı.