Üzbäkstanda kiñ qırlı xärbi künegülär uza
İl bäysezlek aluınnan soñ täwge tapqır mondıy künegülär ütkärä
Üzbäkstan bäysezlek aluınnan soñ (1991 nçe yılnıñ 1 nçe sentyabre) täwge tapqır kiñ qırlı xärbi künegülär ütkärä.
İlneñ saqlanu ministrlığı beldergänçä, künegülär ilbaşı Şäwkät Mirziyayev boyırığı belän başqarıla.
Xärbi künegülär 5 kön däwam itä häm 4 êtaptan tora.
Älege künegülärdä xärbi texnika häm oçqıçlar qatnaşa.
Xärbi künegülärneñ maqsatı - qorallı köçlärneñ taktik häm xärbi äzerlegen küzdän kiçerü.
Üzbäkstan ilbaşı häm saqlanu ministrı Taşkentqa yaqın urnaşqan Çırçık xärbi töbägendä uzuçı künegülärne qaradı häm ğaskärlär belän dä äñgämä qordı.
Tışqı êşlär ministrlığı kürşe çiktäş illärgä xärbi künegülär xaqında mäğ’lümat birde.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte