Xalıqara törki dön’ya fil’mnarı atnası

İstanbulda Xalıqara törki dön’ya fil’mnarı atnası başlandı. Ul Törki dön’ya kinematografçıları berlege häm Awraziya mädäniyät häm sänğat’ cämğıyäte tarafınnan oyıştırıla. Çara ikençe tapqır ğına ütüenä qaramastan, 10 däwlättän 10 äsär tamaşaçılar iğ’tibarına çığarılaçaq.  

Açılış tantanasında Awraziya mädäniyät häm sänğat’ cämğıyäte räise Mändäräs Dämir çığış yasap törki dön’yanıñ bik kiñ geografiyäne alıp toruın söyläde. “Külämle mädäniyätkä iyä ğailä bez. Barıbıznıñ maqsatı törki mädäniyätne, anıñ maturlığın kinematografçı küze, uylap tabuçanlığı belän açıp salu häm dön’yada törkilärneñ sänğat’tä, kinoda, mädäniyättäge urının añlatu,”-dide ul.

Dämir çarağa teläktäşlek kürsätkän härkemgä räxmät belderde. Anıñ äytüençä, keşelär mädäniyät-sänğat’ yärdämendä qardäşlek xislären alğa iltä, kiñ ğailä bulğan törkilärneñ “teldä, fikerdä bergä” şiğare belän xäräkät itüenä öleş kertä.

Açılışta Törkmänstan rejissyerı, sśenariy yazuçı häm aktyer Xocakulu Narlıyıvta çığış yasadı. Ul törki dön’ya belän bäyle tormışqa aşırıluçı programmalarnıñ uñışlı buluın assızıkladı. “Törki millätlärneñ ber-bersen tanu yulında kino iñ zur çaralarnıñ berse. Ber-berebezne öyränsäk - arabızdağı qardäşlekne yañadan köçäyterbez,”-dide rejissyer.  

Açılışta, çığışlardan soñ, İsmail Günäş rejissyerlığında “Kärwan 1915” isemle fil’m kürsätelde.  

Törki dön’yada tel häm mädäniyät berlegen täêmin itü maqsatı belän oyıştırıluçı fil’m atnalığınıñ berençese uzğan yıl Tatarstan başqalası Qazanda ütkän ide.