Qazaqstanda Astana qotlawları
Bu uñaydan ilbaşı Nazarbayev qunaqlar qabul itä
Qırğızstan dӓwlӓt başlığı Sooronbay Ceenbekov, Üzbӓkstan ilbaşı Şӓwkӓt Mirziyoyev hӓm Tavikstan dӓwlӓt başlığı İmamali Raxman Astananıñ başqala itep iğlan itelüeneñ 20 yıllığı qotlawlarında qatnaşır öçen Qazaqstanğa kitte.
Qazaqstan ilbaşı Nursoltan Nazarbayev dӓwlӓt başlıqları Ceenbekov, Mirziyoyev hӓm Raxman belӓn EXPO Kongress üzӓgendӓ kiçӓ açılğan Astana Xalıqara Finan üzӓgeneñ tanıtu cıyılışında qatnaştı.
Soñınnan Nazarbayev Bӓysezlek sarayında qunaq ilbaşların Astananıñ 20 yıllığı uñayınnan qabul itte.
Nazarbayev monda yasağan çığışında Qazaqstannıñ geostrategik üzӓge bulğan Astananıñ yaña sӓyӓsi, iqtisadi hӓm sośial’ qalqınu modeleneñ barlıqqa kilüen tӓêmin itüenӓ işarӓt itep, Astananıñ dönya öçen tınıçlıq hӓm ahӓñ üzӓgenӓ ӓwerelüenӓ iğtibarnı cӓlep itte.
İlbaşı Nazarbayev hӓm qunaqları soñınnan Qazaq cirle mӓydanında Astananıñ başqala itep iğlan itelüeneñ 20 yıllığı uñayınnan oyıştırılğan konśertta qatnaştı.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
