Törkiyäneñ “Polimex” şirkäte Qazanda säwdä üzäge töziyäçäk
Proyektnıñ sonğı xäle Tatarstan ilbaşınıñ raslawına täq’dim itelde
Tatarstan ilbaşı Röstäm Miñnexanov bu qısada “Polimex” xoldingı räsmi zatları belän küreşte.
Anda Qazannıñ tarixi üzägendä tözeläçäk säwdä üzägeneñ sonğı xäle Tatarstan ilbaşınıñ raslawına täq’dim itelde.
Törkiyäneñ “Polimex” şirkäte Tatarstan başqalasınıñ Butlerov häm Nekrasov uramnarı kiseşkän urında säwdä üzäge töziyäçäk.
“Espace” isemle kompleksta säwdä üzäge, ofislar,gizü urınnarı bulaçaq.
”Polimex” idarä şurası başlığı Êrol Tabanca süzlärenä kürä êlegräk rizasızlıqlar tudırğan Mullanur Vaxitov häykäle urnaşqan urın saqlanıp qalaçaq.
Räşit Näcmetdinov isemendäge şaxmat mäktäbe isä yaña urınğa küçereläçäk.
İlbaşı Röstäm Minnexanov säwdä üzäge proyektınıñ böten neçkäleklärne küzdä totıp äzerlänüen, başqala xalqı teläkläreneñ cirenä citkerelüen häm proyektnıñ şähär arxitekturasına turı kilüe kiräklegen citkerde.
Tatarstan ilbaşı şirkät räsmi zatlarınnan park êşlägändä yäşellekkä kübräk urın qaldıruların da soradı.
fotoräsem: tataristan.ru
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
