Qazaqstanda Çıñğız Aytmatov çaraları

Qazaqstannıñ başqalası Astanada dönyaküläm şöhrätkä iyä kırğız yazuçı Çıñğız Aytmatovnıñ tuuına 90 yıl tulu uñayınnan xalıqara forum ütkärelde. Çarağa Qırğızstan häm Qazaqstan zıyalıları, deputatları häm başqa qunaqlar kilde.

Çıñğız Aytmatovqa bağışlanğan tantanalarnıñ Qazaqstanda başlanuı simvolik mäğ’nägä iyä. Oyıştıruçılar beldergänçä, yazuçığa xörmät kürsätü belän tuğandaş qırğız xalqına da ixtiramnarın belderälär.  

 Qazaqstan ilbaşı idaräse eçke säyäsät bülege başlığı Aida Balayeva ğalimnärneñ ike xalıqnıñ mäğ’näwi berdämlegen täêmin itäçägenä ışana.  Ul, ägär aralarında xörmät bulsa – duslıq çiksez bulacağına, şul säbäple, mönäsäbätlärneñ tağın da nığıyaçağına basım yasıy.