Törkiyädän Üzbäkstanğa oçışlar
Törkiyäneñ Üzbäkstan tulı wäqalätle ilçese Äxmät Başar Şän İstanbul-Sämärqand daimi oçışlarınıñ 16nçı martta başlayaçağın belderde
Üzbäkstanda oyıştırğan matbuğat oçraşuında çığış yasawçı Şän: “İke taraf Törkiyä belän Üzbäkstan arasında yaña oçışlarnıñ buldırıluın bäyäli. Barı tik oçış sanın ğına tügel, hawa mäydannarınıñ (aêroportlarnıñ) sanın da arttırırğa kiräk. Törek hawa yullarınıñ Sämärqand-İstanbul daimi oçışları 16nçı martta başlayaçaq. Berençe sınaw oçışı 2017nçe yılnıñ 30nçı üktäbr’ könne yasalğan ide. Üzbäkstan hawa yulı şirkäte oçqıçları şuşı yünäleştä atnada ike tapqır oça, läkin bu san artaçaq”, - dip äytte.
İke il başqalaları arasındağı oçışlarğa da tuqtalıp uzuçı Şän: “Yaqın kiläçäktä oçış sanı 7dän 14kä citkereläçäk”, - dip assızıqladı.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä