Üzbäkstan arakanlı möselmannarqa qarata qırıslıqnı tuqtatırğa çaqırğan
Bu xaqta Üzbäkstan tışqı êşlär ministrlığı belderüendä citkerelgän
Üzbäkstan M’yanma citäkçelegen arakanlı möselmannarqa qarata qırıslıq waqiğaların tuqtatırğa çaqırğan.
Üzbäkstan tışqı êşlär ministrlığınıň bu xaqtağı belderüendä M’yanmadağı wäzğiyät’neň ,ayıruça arakanlı möselmannarğa qarata cäber-zolımnıň Üzbäkstanda borçı tudıruı citkerelgän.
Keşe xoquqları global’ bäyannamäse häm Berläşkän Millätlär Oyışmasında belderelgän prinŝiplar belän İslam xezmättäşlek oyışması maqsat häm wazıyfalarına nigezlänep Üzbäkstannıň qırıslıq, cäber-zolımnı ğayepläwe citkerelgan belderüdä “M’yanma xökümäten möselmannarğa qarata qırıslıqnı tuqtatırğa ,problemanı tınıç yullar belän çişü öçen tiyeşle çaralar kürergä çaqırabız” diyelgän.
Belderüdä Üzbäkstan xökümäteneň arakanlı sıyınuçılarğa humanitar yärdäm cibärü qararı qabul itüe dä citkerelgän.
M’yanma armiyäseneň qorallı suğışçılarğa qarşı köräş nigeznamäse belän Arakanda tınıç xalıqqa yünälgän höcümnärendä 25 nçe avgusttan başlap xäzerge waqıtta qadär meňnärçä möselmannıň ğomere özelgän.
M’yanma citäkçelege töbäkkä kerep-çığularğa röxsät birmäw säbäple ülgän tınıç xalıqnıň sanı tulısınça bilgelänä almıy.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte
