Törekmänstanda yaña BMO ofisı

Urta Aziya illärenä barğan Berläşkän Millätlär Oyışması ğomüm särqätibe Antonio Guterres belän Törekmänstan däwlät başlığı Gurbanguli Berdimuhammedov söyläşüendä Aral küleneñ bügenge wazğiyätenä bäyle bularaq klimat üzgäreşe häm tirä-yaq moxitnıñ saqlanuı mäs’älälare alğı planğa çıqqan.

Törekmänstan xökümäte häm Berläşkän Millätlär Oyışması däwam itterelä alına torğan qalqınu ölkäsenä qarağan urtaq ofis açu östendä êşli.

Törekmänstan liderı Berdimuhammedov açıluı planlanğan ofisnıñ Törekmänstan häm BMOnıñ tirä-yaq moxitnı saqlaw häm klimat üzgäreşe ölkäsendä başqaraçaq urtaq êşçänleklärne planlayacağı häm alıp baraçağın äytkän.

40 yıl êlek başlanğan igençelek säyäsätläre näticäsendä Aral külen yäşätüçe Amudär’ya häm Sırdär’ya yılğalarınıñ suları Aral mäydanına barıp citmiçä betä. Çülgä äylänü qurqınıçı yanawçı Aralnı qotqaru öçan qabul itelgän ber törkem qarar häm qorılğan fond bar. Aral diñgezen qotqaru xalıqara fondı belän 2017-2019nçı yıllarda Törekmänstan citäkli.

Törekmänstan liderı Aral küle mäs’äläsenä zur ähämiyät birä. BMO ğomüm särqätibe belän küreşep söyläşkännän soñ yasalğan urtaq açıqlawda da bu mäs’äläne kön tärtibenä kitergän.