“Qırım tatarlarınıñ qayğısın xis itäbez”

Tışqı êşlär ministrlığı süzçese ilçe Xösäyen Müftüoğlu: "Qawemdäş qırım tatarları belän dus häm tuğandaş Qavqaz xalıqlarınıñ uzğan çaqlarda bulğanı kebek bügen dä yanında buluıbıznı tağın da ber qat telgä alabız, här ike tragediya waqıtında yäşängän yuğaltularnıñ xätiräse aldında xörmät belän baş iyäbez”, - dip assızıqlap äytep uzdı.

Müftüoğlu çerkes häm qırım tatar sörgennäreneñ yıllığına qağılışlı sorawğa birgän yazma cawabında 250 meñ qırım tatarınıñ ber tön êçendä watannarınnan meñnärçä çaqrım yıraq cirlärgä sörgen itelüen xäterlätte.

Keşelek däräcäsenä tiskäre şartlarda uzğan säyäxätneñ häm annan soñ duçar bulğan sörgen tormışınıñ un meñnärçä qırım tatarınıñ ülemenä säbäp buluın belderüçe Müftüoğlu: "Yöz meñnän kübräk qırım tatarı bügenge köndä dä xätta tuğan yaqlarınnan çittä yäşärgä däwam itä. 18nçe may qırım tatar sörgene näticäsendä häläq buluçılarnı Allahın yarlıqawı belän iskä töşeräbez”, - dip äytte.

21nçe may köneneñ çerkes sörgeneñ yıllığı buluına iğtibarnı yünältüçe Müftüoğlu: "19nçı ğasırda Patşa Rusiyäse Qavqaznı yawlap alğan däwerdä Qavqaz xalıqları yöz meñnärçä keşesen yuğaltqan, isän qaluçılarnıñ kübese, tuğan yaqların taşlap, Anadoluğa sıyınğan. “Çerkes sörgene” dip yörtelgän bu faciğanıñ qayğısın bügen dä xis itäbez. Şuşı forsattan çığıp qawemdäş qırım tatarları belän dus häm tuğandaş Qavqaz xalıqlarınıñ uzğan çaqlarda bulğanı kebek bügen dä yannarında buluıbıznı tağın da ber qat belderäbez, här ike tragediya waqıtında yäşängän yuğaltularnıñ xätiräse aldında xörmät belän baş iyäbez”, - dip basım yasadı.