İstanbulda Sadri Maqsudi iskä alına

1917nçe yıldağı İdel-Ural Milli Mäcles häm Milli idarä räise, kürenekle däwlät häm cämäğät êşleklese, fiker iyäse, tatar ğalime Sadri Maqsudi Arsal (1878-1957) ülemeneñ 60 yıllığında 24nçe fevral’ comğa könne İstanbul universitetında iskä alına.

İstanbul universitetının xoquq fakul’tetı dekanı professor doktor Adäm Sözüär häm Tatarstan Cömhüriyäteneñ Törkiyä wäkile Ayrat Ğataullin açılış çığışların yasayaçaq fänni cıyında olı şäxesneñ onığı Gölnur Üçok äzerlägän “Fotosürätlärdä ordinar professor Sadri Maqsudi Arsal” isemle fotokürgäzmä dä täqdim itelä.

Fänni cıyında ğalimneñ onıqları professor doktor Ali Vahit Turhan häm doktor Gönül Pultar belän bergä Mäskäwdän tatar ğalimäse professor doktor Älfinä Sibğatullina tanılğan ildäşebez turında mäğlümat birep uzaçaq.

Çığış yasawçılar arasında törek ğalimnäre professor doktor Ali Birinci, professor doktor Fäthi Gädikli häm yärdämçe dośent fännär kandidatı Ayşän Uslu da bar.