Atambayev qayğı belän urtaqlaşqan

Qırğızstan däwlät başlığı Almazbäk Atambayev 54 keşe yaqtı dönyadan kitkän Gaziantäp şähärendäge terror höcüme arqasında ilbaşı Räcäp Tayyip Ärdoğanğa qayğı belän urtaqlaşu yullamasın cibärgän.

İlbaşı idaräseneñ räsmi internet säxifäsendä urın alğan açıqlawda däwlät başlığı Atambayevnıñ yullamada Gaziantäptäge ber uramda ütkärelgän tuy mäclesendä oyıştırılğan xain terror höcümennän toyğan borçunı citkerüe belderelgän.

Atambayev Qırğızstan xalqınıñ qardäş törek xalqınıñ qayğıların urtaqlaşuın häm Törkiyäneñ terrorçılıq belän täwäkkäl köräşen xuplawın assızıqlağan.

Atambayev höcümdä yaqtı dönyadan kitüçelär öçen qayğı belän urtaqlaşqan, yaralanuçılar öçen şifalar teläwlären citkergän.

Gaziantäptä 20nçe avgust şimbä kiçen uramda uzdırılğan tuy mäclesendä “DEAŞ” terror oyışması 12-14 yäşlärendäge ber balanı bomba itep qullanuı näticäsendä oyıştırılğan höcümdä kübese bala bulğan 54 keşeneñ ğomere özelde, şaqtıy keşe dä yaralandı.