Baqıda 3 yaqlı oçraşu

Liderlar oçraşuda ênergetika, transport, terrorçılıq belän köräştän alıp Xäzär diñgezeneñ statusına qadär şaqtıy mäs’äläne qarağan.

Azärbaycan däwlät başlığı İlham Aliyev: “Rusiyä-İran-Azärbaycan arasındağı öç yaqlı söyläşü formatı töbäktä totrıqlılıq öçen zur ähämiyätkä iyä. İqtisadi xezmättäşleklärneñ üsterelüe öçen zur mömkinleklär bar. Söyläşülärebez däwam itäçäk,” – digän.

Rusiyä däwlät başlığı Vladimir Putin da 3 yaqlı söyläşü formatınıñ töbäkneñ qalqınuında möhim rol uyanayaçağın äytkän.

“Bügenge köndä mönäsäbätlärebezdä yaña säxifä açabız,” – digän Putin tübändägeçä däwam itkän: “Mondıy formatka ixtıyac bar ide. Mondıy xezmättäşlek Xäzär töbägeneñ qalqınuına tizlek östäyäçäk”.

İran ilbaşı Xäsän Ruhani dä kürşe illär belän mönäsäbätlärne üsterüneñ İrannıñ tışqı säyäsät östenlege buluın beldergän.

Oçraşudan soñ liderlar urtaq beldegene imzalağan.

Beldergedä terrorçılıq belän urtaq köräş, ênergetika, transport, turizm kebek ölkälärdä xezmättäşlekneñ arttırıluı mäs’äläläre alğı planğa çığa.