Qazaqstanğa vizasız säyäxät

Qazaqstan tışqı eşlär ministrı Erlan İdrisov 2017nçe yıldan başlap İqtisadi qalqınu häm xezmättäşlek oyışmasına äğza illärgä vizasız säyäxät mömkinlegen täqdim itüne planlawların açıqlağan.

İdrisov Qazaqstanda eşçänlek başqaruçı Awrupa eşmäkärlär berlege oyıştırğan aş mäclesendä yasağan çığışında il iqtisadın üsterü öçen investitsiya şartların yaxşırtu, investorlarnı cälep itü, säwdä potentsialınıñ artuın tä’min itü häm yaña bazarlarğa kerü kebek mäs’älälärgä östenlek birülären citkergän.

İdrisov: “Astanada xalıqara finans üzägeneñ qorıluı arqasında 2017nçe yılnıñ 1nçe ğinwar könennän başlap İqtisadi qalqınu häm xezmättäşlek oyışması illäre belän ber rättän Malayziya, Monako, Berläşkän Ğaräp Ämerlekläre häm Singapurğa vizanı beterüne planlıybız,” – dip äytkän.

Qazaqstan xökümäte uzğan yılnıñ iyun ayında qabul itkän qarar belän Awstraliya, Malayziya, Yaponiya häm AQŞ belän ber rättän barlığı 19 ilgä 15 könlek vizasız säyäxät tä’min itkän ide.