"Qarabax - törki dönya, İslam dönyası häm böten keşelek probleması"

Azärbaycan-Ärmänstan front sızığında kiyerenkelek däwam itä.

Ärmänstan armiyäse utnı tuqtatuğa qaramastan Azärbaycannıñ tınıç xalıq yäşäwçe toraq punktlarına höcüm itä.

Töbäk xalqı höcümnärgä, Azärbaycan citäkçelege isä Ärmänstan armiyäseneñ tınıç xalıqnı maqsat itep alğan höcümnärenä xalıqara cämäğätçelekneñ tawış-tınsız qaluına reaktsiya belderä.

Soñğı höcümnärdän soñ çit il matbuğat äğzaları front sızığına kilde.

Çit il matbuğat äğzaları töbäk xalqı häm yaralılar belän oçraştı,höcümnärdäge zıyannı da üz küze belän kürde.

Front sızığına kitüçelar arasında Şäkidäge Törki dönya mädäniyat başqalası tantanasın açu tantanasında qatnaşuçı Törkiyä ilbaşı baş kiñäşçese Yalçın Topçu da bar ide.

Topçu:”Biredäge tınıç xalıq ülemnäreneñ Berläşkän Millätlär Oyışması ,Awrupa iminlek häm xezmättäşlek oyışmasına wazıyfaların xäterlätüenä ömetlänäm. Ärmänstannıñ yawlap alğan cirlärdän çigenüe zarur”,-dide.

Yalçın Topçu Qarabaxnıñ böten törki dönya häm İslam dönyasınıñ , şul uq waqıtta keşelek probleması buluına da basım yasadı.

Törkiyä ilbaşınıñ baş kiñäşçese:”Ärmänstan bombalar belän tınıç xalıqnı üterä. Berläşkän Millätlär Oyışması iminlek şurasına zur cawaplılıq töşä. BMO dönyadağı yawlap alu , küpläp üterülärne totqarlıy almıy”,-dide.