"Mӓcles xaqları tuqtatıla"

Rusiyӓneň TASS agentlığında urın alğan xӓbӓrgӓ kürӓ monnan alda Mӓcles eşçӓnleklӓreneň tıyıluı hӓm çiktӓn tış oyışma qısasına alınuı öçen mörӓcӓğat yasağan Rusiyӓneň Qırımğa bilgelӓgӓn prokuror Natalya Poklonskaya mӓxkӓmӓ tӓmamlanğançı Mӓcles eşçӓnleklӓren tuqtatu qararın qabul itüen açıqlağan.

Qararnıň Rusiyӓ qanunnarın bozularnı qomaçawlar öçen qabul itelüen ӓytkӓn prokuror: “Şul rӓweşle Mӓcles xaqları tuqtatıla, dӓwlӓt hӓm cirle matbuğat qullanuı, cıyılış oyıştıruı hӓm barlıq propagandaları tıyıla,” – digӓn.

Elekke Qırım Tatar Milli Mӓclese başlığı Mostafa Abdülcӓmil Qırımulı Mӓcles eşçӓnleklӓreneň tuqtatıluı qararın qırıs rӓweştӓ tӓnqitlӓgӓn hӓm: “Rusiyӓneň Qırım tatarlarına qarata totışı Sovyetlar Berlege sӓyӓsӓteneň dӓwamıdır. Bez Rusiyӓneň Sovyetlar Berlege tarqalğannan soň aqıllanuın uylağan idek. Lӓkin bernindi üzgӓreş yuq, tağın da naçar buldı. Mӓxkӓmӓlӓrdӓ “sӓyӓsi mӓs'ӓlӓlӓrdӓ ğadellek yuq” digӓn süz döres ikӓn. Nindi ӓmer birelsӓ, mӓxkӓmӓlӓr şundıy qarar çığara,” – digӓn.

Qırımulı bu qararnıň Rusiyӓneň üz cӓza qanunına da qarşı buluın açıqlağan.

Qırım Tatar Milli Mӓclese başlıüı Rӓfat Çubarov ta Qırımda xӓzer yawlawnıň buluın belderep, ul prokuror hӓm wazifaların legal' kürmӓwlӓren assızıqlağan.

Prokuror Poklonskaya 15nçe fevral könne Qırım Tatar Milli Mӓclesen yabu öçen Qırım Yuğarı Mӓxkӓmӓsenӓ mörӓcӓğat itkӓn ide.

Berençe utırış 3nçe mart könne uzğan, dӓğwanıň qaraluı üzgӓ nigeznamӓlӓr belӓn 4 tapqır kiçekterelgӓn ide.

İkençe yaqtan Litva Parlamentı Rusiyӓne Qırımda Qırım tatarları hӓm Ukrainalılarğa qarata keşe xoquqların bozuı nigeznamӓse belӓn ğayeplӓwçe qararnı qabul itkӓn.

Litva Parlamentınnan yasalğan ayzulı açıqlawda 90 xalıq ışanıçlısı qatnaşqan tawışqa quyuda qararğa berkemneň dӓ qarşı çıqmawı citkerelgӓn.

Qararda: “Rusiyӓneň Qırımnı yawlap aluınnan soň Rusiyӓ watandaşlığın kire qaqqan Qırım xalqına qarata belem, sӓlamӓtlek saqlaw, sotsial' hӓm qalğan xezmӓtlӓrdӓ separatizm çınğa aşırıla. Rusiyӓneň Qırım Tatar Milli Mӓcleseneň eşçӓnleklӓren tıyuın qırıs rӓweştӓ ğayeplibez,” – dip yazılğan.

Qararda ayıruça xalıqara cӓmӓğatçelekneň Ukrainanıň cir bötenlege mӓs'ӓlӓsendӓ urtaq tırışlıq quyıp, tağın da aktiv buluı mӓs'ӓlӓsendӓ çaqıru yasalğan.

Parlament qararında Qırımnı yawlaw beterelgӓn hӓm yarımutraw Ukraina kontrolenӓ qaytqan oçraqta Rusiyӓ belӓn xezmӓttӓşlekneň qabat başlana alınçağaı da urın ala.